زمان في عصر الرب يسوع

جاله راجل مشلول تماماً بمساعدة ٤ من أصحابه

اللي اجتهدوا جداً علشان يوصلوه للرب يسوع علشان يشفيه،

لكن الإنجيل بيقولنا في إنجيل مرقس أصحاح ٢

إن أول حاجة قالها الرب يسوع

كانت تصريح بغفرانه لخطاياه مش شفاء لجسده !

“فَلَمَّا رَأَى يَسُوعُ إِيمَانَهُمْ، قَالَ لِلْمَفْلُوجِ:

يَا بُنَيَّ، مَغْفُورَةٌ لَكَ خَطَايَاكَ”

وده كان غريب على اليهود

لأن الوحيد اللي يقدر يغفر الذنوب هو الله،

لكن كمان بيقولنا قد إيه الخطية مرض روحي

أخطر من أي مرض جسدي تاني حتى.

لكن الخبر المُفرح والمُشجع هو إن الإله اللي غَفر للمفلوج خطاياه

قادر يغفر ذنوبنا ومعاصينا ويشفي نفوسنا المريضة بداء الخطية.

لو لسه ذنوبك متقلة الشيلة على كتافك،

تعالى اتعرف على اللي قادر يريحك من حملها الثقيل،

تعالى اتعرف بالرب يسوع المسيح.