الناس بيقولوا إن “الحياة لازم تستمر”
وانت عليك إنك تكمل، ساحب ألمك وراك،
لكن الحقيقة إن الحياة مش بتستمر،
أو على الأقل مش بتفضل حياة.
احنا بنحاول نعوض جروحنا
بإننا نبني مكانها حاجات مزيفة، أو نهرب لحاجات تانية،
إنك تفرم نفسك في الشغل والإنجاز، أو أي حاجة تلهيك: تروح “چيم”، تقعد على قهوة،
تدور على أكل، جنس، علاقات منفعتها أحادية.. إلخ
محتاجين نواجه مخاوفنا،
ونتخلى عن ورق التين اللي بنداري بيه جروحنا.
لو عندك جروح من والديك
أو أشخاص كان ليهم سلطة وتأثير على حياتك،
وقف واكشف جرحك علشان يبان، وتبدأ رحلة العلاج.
كلّم الله بصراحة، عبّر عن مشاعرك الحزينة،
واللي وصلك خلال سنين من ألم بسبب جرحك.
وقف إنكار .. وقف هروب!