تدريب التخلي

التخلي أو التنازل هو إني أتنازل

عن حاجة بتاعتي أو من حقي.. علشان خير حد تاني

زي ما المسيح اتنازل عن مكانته وامتيازاته كإله

واتجسد لينا وعاش وسطينا

فَلْيَكُنْ فِيكُمْ هذَا الْفِكْرُ الَّذِي فِي الْمَسِيحِ يَسُوعَ أَيْضًا،

الَّذِي إِذْ كَانَ فِي صُورَةِ اللهِ،

لَمْ يَحْسِبْ خُلْسَةً أَنْ يَكُونَ مُعَادِلًا للهِ،لكِنَّهُ أَخْلَى نَفْسَهُ،

آخِذًا صُورَةَ عَبْدٍ، صَائِرًا فِي شِبْهِ النَّاسِ (فيلبي6،7:2).

ودول أربع تدريبات يساعدوك تتعلم فضيلة التَخلي

١) جرب في يوم تاكل بس نص كمية الأكل اللي متعود تاكلها

وتسيب النص التاني لشخص فقير أو محتاج في الشارع.

٢) جرب مع آخر شخص غلط فيك أو ضايقك وحقك إنه يعتذرلك..

تبعتله تقوله إنك مش مستنيه يعتذرلك علشان تسامحه،

وتكون بتعني ده من جواك.

3) لو واقف في طابور مصلحة حكومية،

جرب تسيب لحد مكانك.

4) لو كُنت طرف في مناقشة مع حد تاني

مختلف عنك.. والحق معاك،

اتنازل عن حقك في إنك تكسب النقاش

علشان تكسب الشخص نفسه.