غالبا احنا كبشر، عارفين وفاهمين كويس
إن الله سبحانه قدير وعظيم جداً، لكن كتير بنخاف
من عدم العدالة اللي موجودة في كل مكان في العالم حوالينا
زى لما طالب فاشل.. لكن ينجح في الإمتحان بسبب الغش،
أو واحد يطلع رخصة سواقة بالرشوة
من غير ما يكون بيعرف يسوق كويس فعلاً.. وهكذا
لكن الإنجيل بيقول ( لأن فوق العالي عاليا يُلاحظ والأعلى فوقهما )
وعلشان كده الله ليه حكمة في إنه يتمهل على مين ويِنصف مين وإمتى..
والحقيقة مهما فكرنا بعقلنا المحدود إن فلان ده
المفروض يتعاقب على كذا.. برضو مش هنعرف إيه الصالح
أو العدل لينا أو لغيرنا، لكن هتفضل ثقتنا إنه حتى لو العالم كله ظالم،
فالله عادل وحكيم وصالح ورحيم في نفس الوقت.